Një i vdekur dhe dy të plagosur nga një sulm në Belgjikë

26.08.2016 10:32:22

Një person ka humbur jetën dhe dy të tjerë janë plagosur si pasojë e një shpërthimi në një palestër sportive në qytetin Chimay, në jug të Belgjikës.

Nga raportimet e agjencisë belge të lajmeve Belga, mësohet se në një palestër sportive në orët e mesnatës ka ndodhur një shpërthim për arsye ende të paqarta, raporton Anadolu Agency.

Si pasojë e shpërthimit ka humbur jetën të paktën një person dhe janë plagosur dy tët tjerë.

Ndër të tjera bëhet e ditur se një pjesë e palestrës është shembur dhe se ka persona që kanë mbetur nën rrënoja.