QKUK e cila vazhdimisht kritikohet për punën e saj, mjekët e kësaj klinike javën e kaluar kanë shpëtuar jetën e një të porsalinduri.
Kirurgjia e fëmijëve ka shpëtuar jetën e foshnjës së Besnik e Albina Zymerit.
Për qendrën klinike universitare të Kosovës nuk jemi mësuar të dëgjojmë edhe fjalë shumë të mira.
Por si rrallë herë, kësaj radhe një hallexhi lavdëron stafin e mjekëve në QKUK.
Besnik Zymeri i cili është prindi i foshnjës e cila u operua në ditën e 5 të jetës së tij kërkon që Ministra e Shëndetësisë t’i ofroj kushte stafit të QKUK’së pasi sipas tij profesionalizmi nuk mungon.
Zorra dymbëdhjetëgishtore ishte problemi me të cilin ishte diagnostikuar nga reparti i neonatologjisë foshnja e Albinës, Salihu.
Drejtori i këtij reparti Xhevdet Gojnovci, ka thënë se pavarësisht punës së mirë që po bëhet, kushtet elementare për punë mungojnë.
Doktorët e shpëtimit ishin ekipi i doktor Ardian Shefkiut.
Për të bërë këtë operacion duhet edhe një ekip i gjerë. Por masat për të parandaluar këtë anomali duhet të merren qysh në kohën e shtatzënisë.
Doktorët po ashtu tregojnë se kjo lloj anomalie është shumë e rrallë. Në sallat e operacionit me këtë sëmundje takohen jo më shumë se 3 herë në vit.
Foshnja pas operimit është liruar nga spitali, dhe po vazhdon të jetë e shëndetshme pa probleme të tjera.
