Ylli i Borussia Dortmundit, Jadon Sancho ka futur në ‘luftë’ dy skuadrat e mëdha evropiane, Manchester Unitedin dhe Paris Saint-Germainin.
Talenti i madh anglez ka shënuar nëntë gola dhe ka bërë plot 14 asistime për skuadrën e tij në Bundesliga këtë sezon. Paraqitjet e tij të mira me Dortmundin kanë bërë që Sancho të bëhet objektiv i madh i skuadrave evropiane.
Djajtë e Kuq janë gati të bëjnë çmendurinë për ta rikthyer Sanchon në Angli këtë verë. Klubi anglez janë gati të bëjnë 18-vjeçarin lojtarin më të shtrenjtë anglez në historin e futbollit, duke paguar rreth 80 milionë euro për të.
Megjithatë, sipas The Mirror, United tani duhet të luftojë me Paris Saint-Germain për xhevahirin e Dortmundit.
Transferimi i Sanchos do të jetë i vështirë për të dyja klubet pasi lojtari ka një kontratë deri në vitin 2022 dhe Dortmund këmbëngul se ai nuk është në shitje.
Liderët e Bundesligës nënshkruan me Sancho nga rivalët e Unitedit, Manchester City në verën e vitit 2017.