Presidenti i Kosovës, Hashim Thaçi në një intervistë për Radio Televizionin Publik të Kroacisë (HRT), duke folur për dialogun ndërmjet për normalizimin e marrëdhënieve ndërmjet Kosovës dhe Serbisë ka thënë se Marrëveshjet Kosovë – Serbi qojnë tërë Ballkanin perëndimor përpara drejt perspektives evropiane.
“Çdo armiqësi e re Kosovë – Serbi nënkupton stagnim për dy vendet, por edhe për rajonin, sepse raporti Kosovë – Serbi, nuk nënkupton vetëm raport të dy vendeve, por ka një reflektim më të gjerë”, ka theksuar ai.
Sipas presidentit Thaçi vazhdimi i dialogut në Bruksel, do të tejkalohen dhe Kosova e Serbia do të arrijnë marrëveshje për normalizim, për paqe dhe pajtim të qëndrueshëm ndërshtetëror.
“Kosova nuk e harron gjenocidin e Serbisë që e ka kryer në Kosovë, por jemi të vendosur të nderojmë paqe”, ka shtuar ai.
Presidenti ka komentuar edhe vrasjen e Oliver Ivanoviçit, duke thënë se kjo vrasje nga të dhënat preliminare, nuk ka asgjë në mes të raporteve shqiptare – serbe.
