Organizata Botërore e Shëndetit ka njoftuar se gjatë shtatë ditëve të fundit, me koronavirus janë infektuar mbi katër milion njerëz në mbarë botën, shifra më e lartë e regjistruar brenda një jave, që nga fillimi i pandemisë.
Ndërkohë, po brenda shtatë ditëve të fundit, kanë humbur jetën 67.221 pacientë.
Megjithatë OBSH konsideron se të dhënat për javën e kaluar, tregojnë një ngadalësimin të përhapjes së pandemisë.
Europa është tashmë vatra kryesor e koronavirusit në botë, ndërsa shumë shtete kanë rikthyer masat izoluese që pritet të jenë në fuqi edhe gjatë festave të fund-vitit.
OBSH paralajmëroi pak ditë më parë, se Europa mund të përballet me një valë të tretë të koronavriusit në janar të vitit 2021.