Oda Ekonomike e Maqedonisë Veriperëndimore sot ka realizuar një takim me përfaqësues të Odës Ekonomike amerikano-izraelite.
Në këtë takim, siç theksohet në kumtesën e Odës Ekonomike të Maqedonisë Veriperëndimore është diskutua për aktivitetet të përbashkëta në mes të Odës Ekonomike në Maqedoni dhe Odës Ekonomike Amerikano Izraelite, që kane të bëjnë me politikat dhe mundësit e investimeve në Maqedoni, janë prezantuar sektorët në të cilët veprojnë kompanitë anëtare të OEMVP, me të vetmin qëllim, zhvillimin ekonomik të rajonit veriperëndimor.
Delegacionin nga ShBA është kryesuar nga Skender Mamuti, anëtar i Bordit Drejtues të Odës Ekonomike amerikano-izraelite dhe Skender Karaçica drejtor ekzekutiv i Asociacionit të intelektualëve dhe biznesmenëve shqiptaro-amerikan.
Ky takimi vjen si rezultat i Konferencës Ekonomike e cila u mbajt në Çikago më 12 Nëntor 2015, në të cilin pjesëmarrës ishte edhe delegacioni shtetëror i Republikës së Kosovës në krye me presidenten Atifete Jahjaga, biznesmen shqiptarë në ShBA dhe shumë figura të larta të shtetit Amerikan, në këtë takim ka marrë pjesë edhe delegacioni i Odës Ekonomike të Maqedonisë Veriperëndimore i kryesuar nga kryetari Nebi Hoxha.
Gjatë takimit janë shtruar edhe disa ide konkrete për investime siç janë, hapja e një banke amerikane që dukshëm do të ndikonte në rritjen e investime zhvillimore si dhe mundësitë e eksportit të mallrave tona në SHBA, mundësitë e investimeve të përbashkëta e tjerë.
Të dyja palët kanë shprehur gatishmëri që bashkërisht të iniciojnë projekte zhvillimore për vendin tonë për një të ardhme më të mirë.
