Operacioni “Chaos Party” në Tiranë, 11 të arrestuar

11.12.2016 11:34:13

Policia e Tiranës ka njoftuar finalizimin e operacionit “Chaos Party”, në kuadër të goditjes e shpërndarjes dhe përdorimit të lëndëve narkotike në lokalet e natës.

Pas kontrolleve në disa lokale të ndryshme tek ish-Blloku janë arrestuar në flagrancë 11 persona dhe është proceduar një shtetas në gjendje të lirë. Ndërkohë, u shoqëruan për verifikim 29 persona.

Në këto lokale dyshohej se menaxherët e tyre krijonin kushtet e nevojshme për klientët e tyre që të konsumonin lëndë të dyshuara narkotike, lëndë të cilat shpërndaheshin nga stafi ose shpërndarës që hiqeshin si klientë të këtyre lokaleve.

Shtetasit e arrestuar nga Policia e Tiranës, janë:

1. Andri Buxhuku, 46 vjeç, banues në Tiranë, Menaxher i lokalit.

2. Geri Pogoni, 29 vjeç, banues në Tiranë, Menaxher i lokalit.

3. Elton Murati, 34 vjeç, banues në Tiranë.

4. Dorjan Plaku, 26 vjeç, banues në Tiranë, i dënuar më parë për “Prodhimi dhe shitja e narkotikëve”.

5. Oltion Bekteshi, 36 vjeç, banues në Tiranë, Menaxher i lokalit.

6. Erjon Dobi, 24 vjeç, banues në Tiranë.

7. Redi Roshi, 25 vjeç, banues në Tiranë.

8. Ermir Papadhimitri, 30 vjeç, banues në Tiranë.

9. Emiljano Llupo, 22 vjeç, banues në Tiranë, Staf kamarier i lokalit.

10. Filip Fermanis, 31 vjeç, banues në Tiranë, Menaxher i lokalit.

11. Arlind Kozeli, 36 vjeç, banues në Tiranë, DJ dhe bashkëpronar i lokalit.

I proceduar në gjendie të lirë shtetasi:

12. Elvis Lufi, 36 vjeç, banues në Tiranë.

Në cilësinë e provës materiale janë sekuestruar: 5 gramë kokainë, 3 gramë kanabis sativa, 2 kanaçe inoksi për ngrohjen e lëndës narkotike dhe 4 tuba plastikë.