Sot rreth orës 10:30 minuta Policia e Kosovës ka marrë një kërcënim se në dy objekte në rrugën ‘Luan Haradinaj’ ndodhen mjete të dyshuara shpërthyese.
Nga vendi i ngjarjes zyrtari i policisë së Kosovës, Shkëlzen Xhafaj ka thënë se objektet e shënjestruara janë evakuuar.
Ai ka thënë se deri më tani nuk ka persona të dyshuar në lidhje me rastin.
“Nuk ka person te dyshuar, është një kërcënim që është marrë përmes një telefonate dhe policia e Kosovës. Janë të shenjëstruar dy ndërtesa në rrugën ‘Luan Haradinaj’ dhe i kemi evakuuar të gjithë banoret”, ka thënë Xhafaj.
Në vendin e ngjarjes ka dalë edhe Prokurori Speciales, Sylë Hoxha.
