Autoritetet në Mongolinë e Brendshme kanë mbyllur disa pika turistike në vend, pas rastit të murtajës bubonike.
Sipas mediave të huaja, rasti u zbulua në Bayannur, i cili ndodhet në veriperëndim të kryeqytetit Pekin.
Ndërkohë pesë pikat piktoreske u mbyllën, ndërsa vizitorët e kanë të ndaluar të hyjnë në zonën e prekur.
Autoritetet në Mongolinë e Brendshme kanë implementuar një menaxhim të rreptë për sa i përket vendeve të tjera turistike.
Në saje të këtyre rregullave, ata udhëzuan vizitorët që të shmangin kontaktin me kafshët e egra.
Ndryshe, personi i cili u diagnostikua të martën me murtajë bubonike, aktualisht gjendet nën izolim, dhe po trajtohet në spital.
Mjekët njoftojnë se gjendja e pacientit është stabile.
Murtaja bubonike është një sëmundje e shkaktuar nga bakteri i quajtur Yersinia pestis që jeton kryesisht në brejtës dhe pleshta.
Njerëzit mund të prekën nga ai duke prekur kafshët e infektuara (zakonisht minjtë), duke u kafshuar nga pleshtat e infektuar ose duke thithur pikat e frymëmarrjes nga një kafshë e infektuar.
Ndërkohë thuhet se transmetimi nga njeriu në njeri i murtajës bubonike është shumë i rrallë.
