Kryeministri i Kosovës, Albin Kurti ka mbërritur në Tiranë. Ai është pritur në Pallatin e Brigadave nga kryeministri Edi Rama.
Ai zgjodhi Shqipërinë për vizitën e parë në drejtim të qeverisë së Prishtinës, ndërsa gjatë qëndrimit në Tiranë do të takohet me homologun Edi Rama, presidentin Ilir Meta, kryeparlamentarin Gramoz Ruçi, kryebashkiakun Erion Veliaj dhe kryetarin e Partisë Demokratike, Lulzim Basha.
Me kryeministrin Rama, Albin Kurti do të mbajë dhe një konferencë të përbashkët për shtyp. Sipas agjendës, kryeministri i Kosovës do të qëndrojë në Tiranë vetëm gjysmë dite.