Prej disa ditësh, fshati Shirokine në vijën e frontit në lindje të Ukrainës është bërë objekt i bombardimeve intensive që kanë lidhje sipas Kievit me përshkallëzimin e tensioneve midis Ukrainës dhe Rusisë në Krime.
“Të shtunën të mëngjes një seri të shtënash vuri përballë rebelët prorusë dhe forcat e Kievit”, pohoi komandanti i forcave të armatosura ukrainase, Viktor Sikoza.
Duke ecur përgjatë vijës bregdetare të Detit Azov, ai u shpreh: ”Kjo situatë është e ngjashme me fillimin e luftës, në 2014. Kundërshtarët nuk po i përmbahen marrëveshjes së Minskut të nënshkruar në shkurtin e 2015 me qëllim normalizimin e situatës në lindje, ku konflikti regjistroi më shumë se 9.500 të vdekur në më shumë se dy vite”.
