Lulzim Basha i është rikthyer situatës së krijuar nga përmbytjet në zonën e Obotit në Shkodër.
Përmes disa fotove të shkrepura nga takimet me banorët e kësaj zone, Basha thotë se mbështet kërkesën e Bashkisë, deputetëve dhe Këshillit Bashkiak të Shkodrës për shpalljen e emergjencës.
Për përmbytjen, kreu i PD-së fajëson hapjen e portave të shkarkimit në Kaskadën e Drinit.
“Katastrofa u shkaktua jo nga reshjet, por nga Kaskada e Drinit. Rama po sillet në mënyrë kriminale me banorët te cilët duhet të dëmshpërblehen patjetër!”, shkruan ai.
