Trioleta
E ujis lulen, më pas e hapi dritaren
Ç` simbole ç` metafora të krijoj për ty
Ti kthen shpinën ik me një manaren
E ujis lulen, më pas e hapi dritaren
Ndjek melodinë që lozje me kitarën
E qielli i kaltër ende të derdhet në sy
E ujis lulen, më pas e hapi dritaren
Ç`simbole ç`metafora të krijoj për ty
Si ta kujtoj këtë natë vjeshte me shi
Zërin tënd ta përjetoj kaq me jehonë
E përmbi dollap ende kotet zogu i zi
Si ta kujtoj këtë natë vjeshte me shi
Kitara me tela të argjendtë në vetmi
Hija jote i afrohet e gjallë deri vonë
Si ta kujtoj këtë natë vjeshte me shi
Zërin tënd ta përjetoj kaq me jehonë
I mbyll sytë e trishtuar ik nga vetmia
Ja unë e vogël nga luaja me katër gur
Nën hijen e blirit të thyer nga stuhia
I mbyll sytë e trishtuar ik nga vetmia
Te pusi hija ime e mbuluar nga agmia
E kotë është s`mund të kaloj këtë urë
I mbyll sytë e trishtuar ik nga vetmia
Ja unë e vogël nga luaja me katër gur