Policia e Kosovës ka arrestuar e pastaj ka liruar Gjuriqin

22.09.2016 09:45:25

Policia e Kosovës e ka ndaluar të ashtuquajturin Drejtor të Zyres për Kosovën në Qeverinë e Serbisë, Marko Gjuriq, mbërmë në Graçanicë.

Pas rreth gjysmë ore diskutimi mes policisë në njërën anë dhe Gjuriqit, zëvëndës kryeministrit në qeverinë e Kosovës Branimir Stojanoviq dhe kryetarit të Graçanicës, Valdeta Kostiq në anën tjetër, Gjuriq u lejua të qëndrojë në Kosovë gjatë mbrëmjes, raporton RTS.

Raportohet se policët kosovarë i kanë thënë Gjuriqit se duhet ta përcjellin për në Merdarë dhe nëse ai refuzon, do të arrestohej, transmeton lajmi.net.

“Pjesëtarë të njësive speciale të policisë së Kosovës tentuan të më arrestojnë, por populli i mbledhur nuk lejoi një gjë të tillë”, deklaroi Gjuriq për mediat serbe.

Gjuriq gjithashtu deklaroi se ka pasur leje për vizitën e tij në përputhje me marrëveshjen Kosovë-Serbi dhe për këtë “nuk e kupton se pse policia donte ta arrestonte”. /lajmi.net