Policia ka dhënë detaje për këtë aksident, duke apeluar tek qytetarët që të ndihmojnë në identifikimin e viktimës, pasi që ende nuk po dihet identiteti i tij se kush është.
Ky është njoftimi i Policisë:
Policia e Kosovës konfirmon se sot rreth orës 17:00, në autostradën ,, Ibrahim Rugova”, në dalje Veriu-Prizren, ka ndodhur një aksident me fatalitet.
Dyshohet se një veturë ka goditur një këmbësor të gjinisë mashkullore, vdekjen e të cilit e ka konfirmuar ekipi mjekësor.
Lidhur me aksidentin me pasoja fatale, Policia e Kosovës jep këto detaje të viktimës me qëllim të identifikimit të tij.
Mosha: 30-40 vjeqar,
Gjatësia: 165 cm,
Flokët: ngjyrë kafeje,
Sytë: e kaftë,
Veshja: farmerka të kaltërta, maicë ngjyrë hiri me vija të bardha, këpucë dhe qorapa të zeza.
Policia e Kosovës njofton dhe njëherit kërkon nga të gjithë qytetetarët se kushdo që ka informacione apo e njef personin me përshkrimin në fjalë të lajmrojë Policinë e Kosovës në stacionet më të afërta policore apo në nr.192.