Presidenti i Republikës së Çekisë, Millosh Zeman, është duke zhvilluar vizitë zyrtare në Serbi.
Ai atje është pritur nga homologu i serb, Aleksander Vuçiq.
Në takim nuk është lënë pa përmendur edhe Kosova, kur edhe presidenti çek tha se nuk i pëlqen Kosova, duke paralajmëruar se mund ta shqyrtojnë tërheqjen e njohjes për pavarsinë e Kosovës brenda një muaji.
Sic shkruan media serbe, Telegraf, presidenti Zeman, roli i të cilit në Çeki është vetëm ceremonial, e ka pranuar se për një gjë të tillë duhet të vendosin institucionet tjera të shtetit, duke shtuar se nuk mund të imponojë qëndrimin e tij.
“Unë nuk mund të imponojë pozicionin tim, por ajo që mund të bëjë është që të japë një muaj kohë për konsultime të autoriteteve, rreth asaj nëse është e mundur ta tërheqim njohjen”, ka shtua tutje presidenti çek.
Më pas tha se pret përkrahje nga ministri i Mbrojtjes, Lubomir Mentar, i cili kishte deklaruar se ishte një gabim diplomatik, vendimi për njohjen e pavarësisë së Kosovës.
“Ai me siguri do të jetë në anën time, kush do të jetë në anën tjetër, do ta shohim”, ka thënë Zeman.
Sic e do zakoni serb, Vuçiq e ka falënderuar Zemanin për pikëpamjet e tij rreth Kosovës, duke treguar se e ka informuar atë për problemet mes Prishtinës dhe Beogradit.
“Nuk prisja që ai të niste ndonjë iniciativë”, ka thënë Vuçiq.