Prishtina më së shumti raste të reja me koronavirus, rritje e ndjeshme e rasteve në Mitrovicë

08.08.2020 15:09:57

Instituti Kombëtar i Shëndetit Publik ka bërë publike statistikat e 24 orëve të fundit të situatës me koronavirus.

Gjatë 24 orëve të fundit janë testuar 443 pacientë të dyshuar për koronavirus, derisa 190 kanë rezultuar pozitiv – ndërsa 197 pacientë janë shëruar, shkruan lajmi.net.

Prishtina ka më së shumti raste të reja me koronavirus (48) e ndjekur nga Mitrovica me 24 sosh, Podujeva me 18, Gjakova me 14 dhe kështu me radhë.

Aktualisht në Kosovë janë 4067 raste aktive me koronavirus.

Lexoni komunikatën e plotë të IKSHPK-së:

197 TË SHËRUAR DHE 190 RASTE ME COVID-19!

Gjatë 24 orëve të fundit,në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej443mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 190raste pozitive.

Numri total i rasteve pozitive është 10.059 raste nga 40.184 persona të dyshimtë në virusin SARS-CoV-2, me gjithsej 315 raste të vdekjes të cilët kanë pasur sëmundje të tjera shoqëruese.

Gjatë 24 orëve të fundit, janë shëruar197 pacientë derisa numri i përgjithshëm i të shëruarve deri më sot është gjithsej 5.677 raste, kurse numri i rasteve aktive është 4.067.

Rastet pozitive janë nga:komuna Prishtinë 48 raste,komuna Mitrovicë 24 raste, komuna Podujevë 18 raste, komuna Gjakovë 14 raste, komuna Fushë Kosovë 13 raste, komuna Skenderaj 10 raste, komuna Ferizaj 7 raste,komuna Lipjan 7 raste, komuna Pejë 6 raste, komuna Vushtrri 6 raste, komuna Prizren 5 raste, komuna Suharekë 5 raste, komuna Deçan 4 raste, komuna Kaçanik 3 raste, komuna Obiliq 3 raste,komuna Shtime 3 raste, komuna Viti 3 raste, komuna Zubin Potok 3 raste, komuna Drenas 2 raste, komuna Malishevë 2 raste dhe me nga një rast komunat Gjilan, Han i Elezit, Klinë dhe Rahovec.