Në Kuvendin e Kosovës po diskutohet për kalimin në lexim të parë të buxhetit të Kosovës për vitin e ardhshëm.
Partia Socialdemokrate e Kosovës ka dhënë vërejtjet e saj në lidhje me projektligjin për ndarjen buxhetore.
Dardan Sejdiu nga radhët e PSD-së është shprehur se buxheti i Kosovës nuk duhet të ndahet nga instrumente të Beogradit siç është Lista Serbe.
Ai gjithashtu ka shtruar disa kërkesa tek kryeministri i Kosovës, Ramush Haradinaj, që të miratohet në qeveri ligji për dialogun dhe të dërgohet në Kuvendin e Kosovës të hënën, më 24 dhjetor.
Sejdiu gjithashtu ka kërkuar se ligji për qeveri të sillet në Kuvend për miratim jo më larg se 3 muaj nga dita e sotme dhe ky ligj të tregojë edhe numrin e zëvendësministrave që ka drejt të ketë një ministri.
E gjithashtu, Sejdiu ka kërkuar që të lirohet nga detyra ministri i Bujqësisë, Nenad Rikallo, i cili tash e sa kohë nuk e ushtron detyrën e tij.
