Koincidencat Rama-Vuçiç, për Murin e Mitrovicës. Gjatë vizitës së tij në Kosovë, kryeministri Rama, më në fund artikuloi dy fjali për Murin e Mitrovicës.
Po dje kryeministri Vuçiç, nën presionin e faktorëve të fuqishëm ndërkombëtar, pohoi dhe pranoi se “Muri i Mitrovicës do të prishet”.
Çfarë bën përshtypje është kjo ‘koincidence’. Rama nuk foli për Murin e Mitrovicës pa folur Vuçiç.
Ndërtimi Murit ishte projekt i ndarjes së Kosovës. Ka jo pak indikacione se ka patur dakordësi mes Ramës e Vuçiç mbi “shkëmbimet e territoreve”.
Rama pak ditë më parë, porositi një prononcim si ai i Rexhep Qoses për të filluar lojën e “shkëmbimeve të territoreve dhe ndarjes së Kosovës”.
Faktorë të fuqishëm ndërkombetarë kanë ndërhyrë dhe mesa duket ky projekt primitiv ka rënë.
Letrat e “paqes historike” Serbo-Shqiptare ose Rama-Vuçiç…u grisën në dorë. Kosova nuk do të ndahet.
SHBA nuk tërhiqen nga Kosova.
Vazhdimi i qasjes amerikane ndaj Kosovës, shprehur qartë mes qëndrimit të Sekretarit të Mbrojtjes … dogji lojërat Rama-Vuçiç.
Kosova nuk ndahet. Muri Mitrovicës do te prishet.
Ndërsa vetëm sot … Rama foli për Murin dhe në çdo rast në të njëjtën kohë me Vuçiç ose pas tij.