Kryeministri i Kosovës, Ramush Haradinaj, ka dekoruar Rrustem Mustafën me medaljen “Gjergj Kastrioti-Skënderbeu”.
Kreu i ekzekutivit, Ramush Haradinaj, ka dekoruar Rrustem Mustafën me medaljen “Gjergj Kastrioti-Skërnderbeu”, shkruan lajmi.net.
Përmes një postimi në profilin e tij zyrtar në rrjetin social Facebook, Haradinaj ka thënë se me Mustafën kanë biseduar për zhvillimet në vend, në veçanti për trajtimin e dinjitetshëm të kategorive të lirisë.
Postimi i plotë i Haradinajt pa ndërhyrje:
Me ish-komandantin e Zonës Operative të Llapit, Rrustem Mustafa, bashkëbiseduam për zhvillimet në vend, në veçanti për trajtimin e dinjitetshëm të kategorive të lirisë.
Duke shprehur respektin më të lartë për rrugën e tij jetësore në shërbim të atdheut dhe lirisë, gjeneralit Mustafa, i dorëzova Medaljen “Gjergj Kastrioti-Skënderbeu”.