Ai në një postim në facebook ka thënë se themelet e çara të Kosovës, do të sanoheshin deri në një masë vetëm me ndëshkimin e personave përgjegjës për këtë rast.
Postimi i plotë i tij:
Javë e ardhshme, sipas të gjitha gjasave, do të ketë seance të jashtëzakonshme të Kuvendit në lidhje me veprimet e errëta të shtetit tonë me gjashtë shtetasit turq.
Rezultat i kësaj seance duhet të jetë krijimi i Komisionit hetimor parlamentar, që në mënyrë institucionale i identifikon shkelësit e Kushtetutës dhe ligjeve të Kosovës, shkelësit e të drejtave elementare të njeriut, dhe na kthjellë nga “mjegulla” e përgjegjësisë komanduese shtetërore në sektorin e sigurisë dhe deportimin e paligjshëm të shtetasve turq.
Themelet e çara të shtetit tonë do të sanohen sado pak vetëm me ndëshkim të të gjithë përgjegjësve.
Turpi shtetëror, në anën tjetër, do të merr kohë të gjatë të kalojë.
