Komuna Qendër përmes një komunikate ka demantuar akuzat e OBRM-PDUKM-së, të cilët thanë se për shkak të moskujdesit të kryetarit të komunës, Andrej Zhernovski, është vënë në pikëpyetje siguria e nxënësve në shkollën fillore “Dimitar Mlladinov”.
“Pas defektit elektrit në shkollën fillore “Dimitar Mlladinov”, shëndeti dhe siguria e nxënësve në asnjë moment nuk është vënë në pikëpyetje. Nxënësit, si masë parandaluese janë liruar nga mësimi, me qëllim që të largohet defekti. Ky ka qenë një vendim përgjegjës dhe i drejt i drejtorisë së shkollës”, thuhet në komunikatën e Komunës Qendër.
Nga Qendra gjithashtu thonë se instalimi elektrik që ka shkaktuar defektin është vendosur në kohën e kryetarit nga OBRM-PDUKM, Vlladimir Todoroviq.
