Derisa Moska ka etiketuar sulmet e SHBA’së në Siri “agresion” dhe paralajmëroi se këto veprime do i dëmtojnë rëndë marrëdhëniet ruso-amerikane, të cilat tashmë janë në gjendje të mjerueshme, reagon Sekretari i Shtetit Rex Tillerson
Sekretari i Shtetit Rex Tillerson u tha gazetarëve se nuk ka pasur diskutime apo kontakte të mëparshme me Moskën për këto sulme që i bëri SHBA’ja në Siri, mirëpo ai ka shtuar se Pentagoni e kishte alarmuar më parë Rusinë, nëpërmjet kanaleve ushtarake për një veprim të tillë, shkruan The Guardian.
Zëdhënësi i Pentagonit, kapiteni Jeff Davis tha se rusët ishin informuar në “biseda të shumta” të enjten, nëpërmjet “kanalit ushtarak” – një kanal i komunikimit të bazës ruse në Latakia i cili përdoret për të shmangur goditjet apo shkëmbimin e zjarrit në mes të SHBA’së dhe aleatëve përmes aeroplanëve të tyre dhe të Rusisë.