Qenin e përdor për e siguruar delet nga ujku por Bekim Hisenaj nga fshati Istog i Poshtëm i Istogut derisa po kulloste bagëtinë në bjeshkët e kësaj komune pasditen e së shtunës rrufeja ia vrau 12 dele.
Ai tregon se gjithçka ndodhi për një kohë shumë të shkurtër.
“Kur ja ka nis kokrriza edhe murmurima. Dhentë u trembën kur shikoj i gjej dhentë e ngordhura”, shpjegoi ai për Klan Kosovën.
Fermeri nga Istogu thotë se nuk mban mend që ndonjëherë të ketë goditur kaq shumë rrufeja.
“Nuk ka ndodh asnjë herë. Sivjet ka ndodh hera e parë”, tha ai.
Ani se u dëmtua më shumë se 2 mijë euro ai nuk e ka ndërmend ta lë këtë veprimtari.
Menjëherë pas rastit drejtoria për Bujqësi në Komunën e Istogut dërgoi veterinerë e inspektorë për ta vizituar fermerin Hysenaj dhe për të bërë vlerësimin e dëmeve.
Shefi i Kabinetit të Kryetarit të kësaj komune Hasbi Bajra tha se pasi të bëhet verifikimi dhe vlerësimi i rastit do të shohin mundësitë për t’ia kompensuar dëmet.