Rrëzohet avioni në Larisa të Greqisë, dy të vdekur (Video)

27.07.2017 16:57:19

Një avion i vogël është rrëzuar gjatë mbrëmjes në Greqi, duke shkaktuar kështu dy të vdekur.

Ngjarja e rëndë ndodhi në një zonë rurale të Larisas.

Mediat lokale raportojnë se nga aksidenti ajror kanë humbur jetën dy personat që udhëtonin në mjetin e fluturimit.

Bëhet fjalë për pronarin e avionit, një 43-vjeçar grek, i njohur si sipërmarrës në fushën e marketingut dhe të shpërndarjes së kafes si dhe një 34-vjeçar grek, pilot i Forcave Ajrore.

Mediat lokale raportojnë se alarmi për zhdukjen e avionit u dha rreth orës 21:00 me orën lokal, pasi mjeti fluturues duhej të ishte ulur në aeroportin e Terpsitheas në orën 20:30.

Kanë qenë banorët e zonës ata që lajmëruan policinë pasi panë avionin që u rrëzua.

Sakaq, trupat e pajetë janë dërguar në morg ku do t’i nënshtrohen ekspertizën mjekoligjore.

Ndërkohë, policia ka nisur hetimet për zbardhjen e plotë të shkaqeve të ngjarjes në fjalë.