Ruçi dhe Xhaferi zotohen për shumë projekte të përbashkëta

20.12.2017 14:22:41
Në konferencën e përbashkët për shtyp kryetari i Kuvendit të Maqedonisë dhe ai i Shqipërisë Gramoz Ruci deklaruan se ardhmja e dy vendeve është brenda strukturave euro-atlantike.

Gjatë takimit dy homologët diskutuan për zgjerimin e bashkëpunimit mes dy vendeve dhe realizimin e shumë projekteve të përbashkëta.

“Ramë dakord të mbështesim projektet për ndërtimin e linjës ndërlidhëse 4 mijë kilovoltsh mes Shqipërisë e Maqedonisë, apo zbatimin e projekteve madhore për zgjatimin e rrugës së Arbrit në segmentin Bllatë-Shkup dhe atë të Korridorit të 8, Durrës-Elbasan-Shkup. Vlerësuam përpjekjet e bëra nga pala maqedonase për ndërtimin e hekurudhës dhe zgjatimin e saj për të lidhur Ohrin me Linin. Ramë dakord që të dyja Parlamentet tona për adresimin e çështjeve të mbetura pezull nga marrëveshjet e mëparshme”, u shpreh Ruçi.

“Unë në cilësinë e kryetarit të Kuvendit do të përpiqem që në kuadër të mundësive të mia të jap kontribut maksimalë që bashkëpunimi mes dy vendeve tona të thellohet edhe më shumë në të gjitha sferat”, deklaroi Talat Xhaferi.