Kërkoni diçka të thjeshtë, por me shije mjaft komplekse?! Bëni një sallatë me djathë dhe panxhar dhe çdo pritshmëri e juaja do të përmbushet…
Përbërësit:
4 panxharë
¼ gotë qepë (të copëtuara)
2 lugë gjelle majdanoz (i copëtuar)
¼ gotë djathë
2 lugë gjelle vaj ulliri
1 lugë gjelle uthull e bardhë
1 lugë gjelle verë e kuqe
Kripë
Piper i zi
Përgatitja:
Ngrohni fillimisht furrën në temperaturën 200 gradë Celcius. Mbështillini panxharët me letër alumini veçmas nga njëri-tjetri. Vendosini në furrë të piqen për rreth 45 minuta deri në 1 orë. Pasi të jenë gatuar, largojini nga furra dhe lërini të ftohen për disa minuta. Qërojini dhe më pas prejini në feta mesatare. Shtoni mbi të edhe qepët e copëtuara.
Në një enë të vogël shtoni vajin e ullirit, uthullën e bardhë, verën, qepët dhe majdanozin e copëtuar dhe përziejini mirë. Rregullojini me pak kripë dhe piper të zi dhe lërini mënjanë.
Rregullojini fetat e panxharit në një pjatë për servirje dhe spërkatini me salcën e përgatitur. Rregullojini në fund edhe me pak djathë, para se ta shërbeni.
