“Pas një hetimi paraprak dhe me urdhëresë nga organet e drejtësisë, me datë 03.01.2018 rreth orës 13:50 ka realizuar një kontroll në dy lokacione ku dyshoje se ka lëndë narkotike. Kontrolli policor realizohet në fshatin Marec, komuna e Prishtinës dhe në Matiqan-Prishtinë.” thuhet në komunikatën e Policisë së Kosovës.
Në këto lokacione është gjetur dhe konfiskuar si dëshmi materiale sasia prej: 47 kg e 115 gramë substancë e dyshuar narkotike e llojit marihuanë, tri armë-revole, 27 copë municion 9 mm, 29 copë municion 7.9 mm, 8 telefona, 2 725 euro, 100 dinar të Serbisë dhe tri vetura.
Gjatë operacionit policor janë arrestuar gjashtë të dyshuar:
- J.M viti i lindjes 1945, mashkull, kosovar, shqiptar;
- B.B viti i lindjes 1988, mashkull, kosovar, shqiptar;
- A.L viti i lindjes 1995, mashkull, kosovar, shqiptar;
- I.B viti i lindjes 1980, mashkull, kosovar, shqiptar;
- B.F viti i lindjes 1978, mashkull, kosovar, shqiptar dhe
- F.S viti i lindjes 1985, mashkull, kosovar, shqiptar.
Me urdhër të Prokurorit kujdestar të Prokurorisë Themelore Prishtinë personat e dyshuar dërgohen në Qendrën e Mbajtjes.
