Shfrytëzuan shkallët e zjarrfikësve, i dhanë lamtumirën e fundit të afërmit të...

Shfrytëzuan shkallët e zjarrfikësve, i dhanë lamtumirën e fundit të afërmit të tyre të moshuar në “shtëpinë e mbyllur shkaku i coronavirusit” në Holandë

17.04.2020 19:01:41

 

Një familje duhej të përdorte shkallë që zgjaten për t’i thënë lamtumirën e fundit të afërmit të tyre të moshuar të sëmurë, pasi shtëpia e tij e kujdesit ishte vënë në mbyllje, shkaku i coronavirusit.

Sipas medieve të huaja,familja e Henry Nijhove, 87 vjeç, u ngrit lart në dritaren e katit të katërt të shtëpisë së tij të kujdesit pranë Amsterdamit, Holandë, duke përdorur shkallë që zgjaten me ndihmën e departamentit lokal të zjarrit.

Një veprim të tillë ata e kishin bërë pasi u ishte thënë se z. Nijhove nuk kishte të ngjarë të jetonte shumë më gjatë pasi shëndeti i tij mori një kthesë për të keq.

Ndërkohë thuhet se shtëpitë e kujdesit kanë ndaluar pranimin e vizitorëve për të parandaluar rrezikun e sjelljes së coronavirusit nga dikush nga jashtë.

Kështu që mbesa e z. Nijhove i shkruajti brigadës lokale të zjarrfikësve, e cila ra dakord të ofronte ndihmën.

Ajo u tha atyre se dëshironin të siguroheshin që gjyshi i saj të mos vdiste pa mundësinë që t’i thoshin lamtumirë. Merret vesh që sëmundja e tij nuk është coronavirusi.

Ekuipazhi i zjarrfikësve përdorin makinën e tyre në shtëpinë e kujdesit në Amsterdam dhe caktoi që anëtarët e familjes të ngrihen në çifte, në mënyrë që ata të thoshin lamtumirat e tyre.