Shtatë persona janë arrestuar nga policia në kuadër të operacionit të koduar “Planifikimi”. Shtetasit e vënë në pranga akuzohen për një seri vjedhjesh përgjatë vijës bregdetare Himarë-Sarandë.
Të arrestuarit janë:
1- Jurgen Balliu, 21 vjeç, banues në Bulqizë.
2- Andrea Miha, 24 vjeç, banues në Bulqizë.
3- Ertigen Alla, 19 vjeç, banues në Bulqizë.
4- Algert Disha, 20 vjeç, banues në Bulqizë.
5- Hasan Toska, 21 vjeç, lindur në Bulqizë, banues në Tiranë.
6- G.D., 16 vjeç, lindur në Bulqizë, banues në Tiranë.
7- Edmond Abazi, 28 vjeç, banues në Sarandë.
Shtetasi Edmond Abazi njihej gjithashtu me pseudonimin “Monçja”, pasi duke qenë njohës i mirë i terrenit, mundësonte gjetjen e banesave dhe orientonte grupin për të kryer vjedhjet dhe shitjen e sendeve të vjedhura.
Shtetasit e arrestuar kanë kryer 20 vjedhje të dokumentuara, duke hapur me forcë banesat e plazhit dhe konkretisht duke përfituar momentin kur pushuesit largoheshin nga banesat e tyre të marra me qira. Dyshohet se këta shtetas kanë kryer edhe 15 vjedhje të tjera, për të cilat po punohet për dokumentimin e plotë të tyre.
