Sot është afati i fundit për një marrëveshje për Reformën Zgjedhore. Dy bashkëkryetarët, Rudina Hajdari dhe Damian Gjiknuri bashkë me përfaqësuesit e opozitës jashtëparlamentare, Oerd Bykykbashi dhe Petrit Vasili do të vendosin për mënyrën sesi do të zhvillohen zgjedhjet e ardhshme në Shqipëri.
Por një dakordësim duket larg pasi palët janë shprehur se kanë mendime të ndryshe për sistemin zgjedhor, përdorimin e teknologjisë në zgjedhje dhe depolitizimin e administratës zgjedhore.
Oerd Bylykbashi dhe Petrit Vasili në mbledhjen e djeshme u shprehën se përfaqësuesi i PSë-së, Gjikuri kishte hedhur poshtë propozimet e tyre për teknologjinë në zgjedhje. Ndërsa vetë Gjiknuri u shpreh se kishte ndjekur shembullin e dreftit të ODIHR-i, rekomandon vetëm 10 % të pajisjes së qendrave me i biometrik dhe jo në të gjithë territorin.
Mirëpo palët janë shprehur dakord për ndryshimin e sistemit, përveç Hajdarit, e cila këmbëngul me kauzën e saj. Ajo pretendon se sistemi i propozuar nga ajo me lista pjesërisht të hapura që përkrahej nga SHBA dhe ndërkombëtaret, por jo nga PS dhe PD. Mbetet për t’u parë nëse palët do të kenë kompromis.
