Policia ka vijuar aksionin për të shmangur aksidentet. Një grup i patrullimit është stacionuar në autostradën Tiranë-Durrës, në zonën e Yrshekut, ku edhe janë aplikuar masa administrative ndaj shkelësve të kodit Rrugor.
I tillë ka qenë edhe rasti i një mjeti, i cili ecte me shpejtësi “skëterrë” prej 167 kilometrash në orë, por që nuk i shpëtoi radarit të policisë rrugore.
“Për këta drejtues mjetesh që fluturojnë, Radari u shpëton jetën, pasi do shkojnë në banesë pa patentë dhe jo patenta pa të zotin.
Mos fluturoni, por udhëtoni brenda limiteve të lejuara të shpejtësisë, respektoni rregullat e qarkullimit në rrugë dhe destinacioni juaj është i sigurt”, njofton policia.
