Shqipëri/ Policët ‘e djegin’ në dasmën shkodrane, me maska e armë kërcejnë bashkë me nusen

20.08.2020 10:20:21

Policia e Shtetit dhe Ministria e Shëndetësisë bëjnë thirrje çdo ditë që qytetarët të ruajnë distancimin social dhe të mbajnë maska.

Madje është ndaluar muzika në lokale pas orës 20:00 si edhe janë vendosur gjoba për pronarët e restoranteve që organizojnë dasma.

Por çfarë ka ndodhur së fundmi në Shkodër? 

Siç shihet edhe në videon e publikuar nga JOQ, disa efektivë policie janë kënaqur duke kërcyer në një dasmë në Shkodër. Të armatosur dhe të veshur me uniformën e policisë ata kërcejnë dhe nuk respektojnë distancimin social. Ajo që vihet re është se efektivët kanë vendosur vetëm maska, por gjithsesi kjo nuk justifikon veprimet e tyre.

“Shteti në aksion. Për të disatën herë, tregohet qartë se në Shqipëri shteti funksionon me dy standarte!”, shkruan personi që ka dërguar videon.