Prej mbrëmjes së djeshme qeveria e drejtuar nga Edi Rama, por edhe deputetët e anëtarë të Kryesisë së PS ndodhen në Elbasan, ku kanë zhvilluar një mbledhje pune për të diskutuar mbi krizën politike dhe zgjedhjet lokale të 30 qershorit.
Paraditen e sotme, Rama dhe të vetët pritet të marrin pjesë në aktivitetet kushtuar “Ditës së Verës”, organizuar nga Bashkia e Elbasanit.
Por nga ana tjetër, edhe kreu i PD-së Lulzim Basha ka zgjedhur sot të ndalet Elbasan, jo për protestë por për të bërë thirrje për mbështetje në 16 mars dhe për festuar me qytetarët e Elbasanit.
Dega e PD-së në Elbasan ka lajmëruar se nuk do të ketë protesta në këto dy ditë për të respektuar dhe festimet. Por pavarësisht shmangies disi të politikës, “beteja” Rama-Basha në arenën e Elbasanit do të jetë vërtet interesante.
