Shqipëri/ Shpallet në kërkim nga Policia babai i deputetit të Kuvendit, çfarë bënte në Malin e Tomorrit

04.08.2020 12:34:34

Policia shpalli në kërkim administratorin e një objekti, i cili në mënyrë ta paligjshme ushtronin aktivitetin për nxjerrjen e pllakave dekorative në Parkun Kombëtar të malit të Tomorrit.

Administratori i shpallur në kërkim është Selim Qama,  babi i deputetit të LSI-së, Klajdi Qama.

Selim Qama, 61 vjeç akuzohet për veprat penale “Dëmtimi i habitateve në zonat e mbrojtura mjedisore”, ‘’Fshehja e të ardhurave’’ dhe “Mospagimi i taksave dhe tatimeve”.

DETAJET:

Policia ka arrestuar në flagrancë dy persona pasi ushtronin aktivitetin për nxjerrjen e pllakave dekorative edhe shpall në kërkim administratorin pasi i kishin pezulluar licencën.

Ngjarja ka ndodhur në aksin dytësor Novaj–Pronovik, në vendin e quajtur “Qafa e Sqepurit”, ku janë konstatuar me dy mjete, njëri pa targa, të ngarkuar me pllaka guri dekorative, të nxjerra në Malin e Tomorit, zonë e shpallur “Park Kombëtar”, duke dëmtuar habitatin natyror të zonës së mbrojtur.

Dyshohet se këta persona materialin e gurit të nxjerrë në mënyrë të paligjshme në këtë zonë e tregtonin duke pasur aktivitetin me status të pezulluar dhe me fatura fiktive.

Policia ka vënë në pranga 26 vjeçarin me iniciale D. L., dhe 40 vjeçarin me iniciale S. K. punonjës i subjektit, ndërsa ka shpallur në kërkim 61 vjeçarin me iniciale S. Q., administratori i subjektit, i cili banon në Tiranë.

Materialet iu referuan në Prokurorinë pranë Gjykatës së Shkallës së Parë Berat, për veprat penale “Dëmtimi i habitateve në zonat e mbrojtura mjedisore”, ‘’Fshehja e të ardhurave’’ dhe “Mospagimi i taksave dhe tatimeve”.

Shpallet në kërkim nga Policia babai i deputetit të Kuvendit,