Sipas shënimeve të grumbulluara nga Ministria e Arsimit, Shkencës dhe Teknologjisë e Kosovës, Gjimnazi „Loyola“ radhitet i pari në listën e rezultateve të maturës shtetërore të vitit të kaluar.
Nga DKA-të e të gjitha komunave, MASHT-i kishte kërkuar zyrtarisht, që më së voni më 31 janar 2019, t´ ia dërgonin shënimet zyrtare të secilës komunë për 20 nxënësit e parë, me më së shumti pikë në testin e maturës dhe suksesin e tyre të përgjithshëm në tre vjetët e fundit. Sipas këtij raporti, të parët në listë janë 23 nxënës të shkollës sonë.
Këto të dhëna të MASHT-it, për Gjimnazin „Loyola” janë vlerësim dhe afirmim i punës sonë, i rezultateve dhe përkushtimit të thellë për të arritur shkallën më të lartë të dijes dhe përgatitjes për jetë të nxënësve.
