Kryeministri i vendit Edi Rama ka zgjedhur rrjetet sociale për të reaguar lidhur me situatën e krijuar sot para Teatrit Kombëtar ku pati konfrontime mes artistëve protestuesve dhe policisë.
Përmes një postimi në Twitter, Rama shpreh edhe një herë vendosmërinë e palëkundur për të çuar deri në fund projektin për një teatër të ri kombëtar. Rama i cilësoi njerëzit e mbledhur para teatrit një minorancë aktorësh e politikanesh që janë mësuar të bëjnë teatër me çdo gjë.
Postimi i Ramës
Asnjë minorancë nuk mund të marrë peng asgjë e askënd në këtë vend. Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë,Teatri i ri Kombëtar do të ndërtohet si plan e përgjegjësi qeverisëse
Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës. Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam. Kush s’është dakord është i respektuar,po s’ka as mandat as të drejtë të pengojë
