Kandidatët për presidencialet amerikane, Donald Trump dhe Hillary Klinton janë shumë pranë, sipas sondazhit më të fundit të publikuar sot.
Klinton dhe Trump kanë të njëjtin pikaverazh (42%) mes votuesve potencialë të 8 nëntorit, sipas këtij sondazhi të realizuar nga “CBS News” dhe “New York Times”.
Mes votuesve të regjistruar, kandidatja demokrate e kalon atë republikan vetëm me dy pikë (41% me 39 %). Madje entuziazmi i përkrahësve të Klinton duket se ka rënë ndërsa ai i republikanëve mbetet konstant, thekson ky studim.
