Organizata studentore “Demokracia Studentore” ka mbajtur sot një aktivitet simbolik në shenjë proteste për shtatëvjeçarin e sëmurë, i cili është harruar nga institucionet e kësaj komune.
Për rreth gjysmë orë studentët kanë bllokuar hyrjen e Komunës së Ferizajt. Mexhid Ramusa kryetar i kësaj organizate ka thënë se si student janë të prekur nga rasti i Senad Bislimi shtatëvjeçarit që vuan nga një sëmundje, i cili nuk ka marrë, siç thotë ai, ndihmë nga organet komunale. Familja Bislimi jeton në kushte të rënda
“Kemi bërë shumë kilometra për t’i dalë në ndihmë këtij vogëlushi, i cili është harruar nga institucionet e Komunës së Ferizajt dhe kërkojmë nga kryetari që të ndërmerr masa dhe t’iu kushtoi rëndësi këtyre kategorive të cilat jetojnë në kushte shumë të rënda ekonomike”, ka thënë Ramusa.
Studentët i janë drejtuar kryetarit aktual të Ferizajit me Muharrem Sfarqa: “Kryetar egoja juaj për pushtet po i shkatërron ëndërrta tona”. Ata kanë thënë se Sfarqa nuk mund të kërkojë votën e qytetarëve, përderisa shumë familje jetojnë në skamje.
“Kryetar a ndjenë përgjegjësi morale!? Si nuk ke turp të kërkosh votën e qytetarit shiko në çfarë gjendje jetojnë familjet skamnore në Ferizaj. Të paktën dëgjo-lexo rrëfimin e këtij fëmije; “Sëmundja dhe varfëria ma kanë humbur shpresën për jetë, nuk besojë që ka me u bërë mirë jam harruar nga institucionet e Komunës së Ferizajt Kryetar egoja juaj për pushtet po i shkatërron ëndërrta tona Sot të gjithë jemi Senadi!”, shkruhet në pankartën e vendosur në hyrje të Komunës së Ferizajt.
