Sulmi me armë kimike në Siri, MPJ: Hetim ndërkombëtar

05.04.2017 17:41:48

Ministria e Punëve të Jashtme e Shqipërisë dënon me forcë sulmin me armë kimike në Siri kundër civilëve të pafajshëm përfshirë gra dhe fëmijë. Teksa i konsideron si akt monstruoz, Shqipëria mbështet përpjekjet për hetim ndërkombëtar.

“Ky akt monstruoz përbën dhunim të Konventës mbi Armët Kimike (CËC) dhe një tjetër veprim të pa tolerueshëm në konfliktin tashmë gjashtë vjeçar në Siri. MPJ mbështet përpjekjet për një hetim ndërkombëtar të menjëhershëm në mënyrë që autorët të vihen para përgjegjësisë.

MPJ thekson se ndalimi i armiqësive dhe arritja e një zgjidhjeje politike, janë rruga e vetme për t’i dhënë fund konfliktit në Siri dhe pasojave katastrofike të tij”, thuhet në reagim.