Sulmohen dy të rinjë shqiptarë në veri të Mitrovicës

23.08.2017 15:09:44

Dy të rijnë shqiptarë janë rrahur nga disa persona që dyshohet të jenë serbë, me ç’rast kanë pësuar lëndime të rënda dhe po trajtohen në spitalin rajonal të Mitrovicës.

Ngjarja ka ndodhur sot rreth orës 14:15, në rrugën “Kral Peter” në veri të Mitrovicës.

”Dy të rijnë shqiptarë derisa po shëtitnin këmbë në shëtitore në veri të Mitrovicës janë sulmuar nga disa persona të cilët kanë përdorur shufra hekuri. Viktimat kanë arritur të ikin në pjesën jugore dhe janë paraqitur në policinë e jugut të Mitrovicës, ndërsa këta të fundit i kanë dërguar në spital për trajtim”.

Dyshohet se sulmuesit janë pjesë e grupeve “Mosto Klinci” dhe “Km Firm 028”, të njohura për sulmet ndaj shqiptarëve në atë pjesë.