Presidenti i Serbisë, Aleksandar Vuçiq, ka zhvilluar sot një takim në Sofje edhe me kancelaren gjermane Angela Merkel.
Sipas mediave serbe, ata kanë diskutuar për vazhdimin e dialogut me Prishtinën, ndryshimet kushtetuese në lidhje me sistemin gjyqësor dërguar Komisionit të Venecias, situatën në rajon dhe stabilizimin e situatës.
Siç thuhet më tej, të dy bashkëbiseduesit theksuan se është e nevojshme të punohet në përshpejtimin e të gjitha aktiviteteve që synojnë përmirësimin e dialogut me Prishtinën.
Gjithashtu thuhet se Vuçiq falënderoi Merkel për kontributin dhe mbështetjen e saj për krerët e Ballkanit Perëndimor, si dhe për mbështetjen e projekteve të infrastrukturës dhe agjendës dixhitale.
