TE PA ASKUSH / Ukshin Hotit / vargje nga Shukrije Gashi

21.05.2020 17:07:11
TE PA ASKUSH
Ukshin Hotit
(10 shkurt 2019)
Ai është aty n’ Dubravë
në muret e koridoret që flasin me askend
e askush i pyeti a foli me to
n’ kornizat e xhamat e thyer
dyertë që u përplasën me rrapllimë
e u krymbën në heshtje vegjetuese mjerimi
Ai është në ndryshkun e grilave
copash betonit thërmuar me batare
plumbash
e dënuar me heshtje
n’ shtretërit e golgotës që plagë n’pellgje gjaku
trishtuar nata i mori tinzisht me vete
Ai është në sytë që e panë e nuk bzanë
apo u mbyllën dhunshëm vrasjeve me pahir
Ai rri zgjuar në zemrat tona
që kurrë fjetëm n’ gjumin e harresës
e folëm kot me mumjet pushtet
në shpirtërat tonë që dhembin sa krejt historia
e trillit pavartësi rrugëtimit t’dyzuar
autostradave të qelqta kozmetike
e loja e Gogolit Serbi tallet e rritet
sot më shumë se dje
në frikën e karremit që ha kokat
Në Dubravë ditë e diel 16 maj 1999
dera u hap Ti dole u nise
e kurrë të pa askush
madje as nesër
Një mordje e madhe n’krye
të oxhaut qanë vetëveten
jo ty as plojën n’ burgun e horrorrit
Në përvjetorin e njëzetë
sytë na janë shndërruar
në kroje të shterruara
e dita e zhdukjes troket
n’ plagët që përcëllojnë
çdo sitinë lulesh si dje
e ne kapërdijmë rrëfejzën e shënjimit
për hir të traditës me mërzi
vishemi me namin tënd kujtojmë
Ah hija jote gjithmonë ndjek andrrën
autentike si fahu Yt
që kurrë mori emrin e vetë bëshëm
në çerdhen e kukuvajkave…
Image may contain: 1 person, closeup