Më 12 shkurt, kolonat ushtarake amerikane, duke kryer një patrullë afër Qamishli në verilindje të Sirisë, hasën në një pikë kontrolli nga forcat e regjimit pro-sirian.
Pasi trupat amerikane lëshuan një seri paralajmërimesh dhe përpjekjesh për zhvlerësim, patrulla u vu nën zjarr armësh të vogla nga individë të panjohur. Në vetëmbrojtje, trupat e Koalicionit i kthyen zjarrin.
“Situata që doli jashtë kontrollit është nën hetim. Patrulla e Koalicionit u kthye në bazë”,tha zëdhënësi ushtarak i Koalicionit, koloneli Myles B. Caggins III, transmeton Telegrafi.
Ishte e paqartë nëse konfrontimi ishte midis personelit ushtarak amerikan dhe anëtarëve të milicisë, protestuesve civilë, apo një përzierje të të dy palëve. Forcat ruse më vonë arritën në vendin e ngjarjes për të ndërmjetësuar, sipas raporteve të tjera,
Disa burime raportuan se një person i plagosur në një uniformë të Ushtrisë Arabe Siriane u dërgua në një spital aty pranë, ndërsa media shtetërore siriane SANA raportoi se një civil u vra dhe një tjetër u plagos në konfrontim.
Banorët sulmuan kolonën pasi ushtarët amerikanë hapën zjarr ndaj civilëve, sipas raportit të SANA, i cili nuk është verifikuar.
Sipas Zërit të Amerikës, forcat amerikane ishin nën kontrollin e shumicës së Sirisë verilindore deri në tetor, kur ushtria turke dhe militantët e saj sirianë filluan një fushatë kundër SDF të mbështetur nga SHBA-të. Që atëherë, forcat ruse dhe qeveria Siriane kanë hyrë në rajonin kufitar midis Turqisë dhe verilindjes së Sirisë me qëllim të mbushjes së zonës të evakuuar nga forcat amerikane.
