Presidenti i Kosovës, Hashim Thaçi me anë të një postimi në facebook e ka vlerësuar si tejet të rëndësishëm anëtarësimin në Egmont Group.
“Kjo organizatë bashkërendon përpjekjet e vendeve kundër pastrimit të parave, krimit financiar dhe financimit të terrorizmit”, ka shkruar në facebook presidenti Thaçi.
Lexo postimin e plotë:
Pas një pune disavjeçare, Kosova u anëtarësua në Egmont Group dhe kjo është një e arritur e rëndësishme në nivel ndërkombëtar për subjektivitetin tonë.
Kjo organizatë bashkërendon përpjekjet e vendeve kundër pastrimit të parave, krimit financiar dhe financimit të terrorizmit.
Ky anëtarësim dëshmon se vendi ynë i ka përmbushur standardet më të larta në këtë sektor dhe i përgëzoj të gjitha institucionet shtetërore që u angazhuan për të bërë të mundur këtë.