Pas vendimit të Kushtetueses pro dekretit të tij, presidenti i Kosovës, Hashim Thaçi do t’i drejtohet opinionit.
Thaçi me fillim prej orës 10:30 do të mbajë konferencë për media.
Sipas njoftimit të zyrës së presidencës, konferenca do të mbahet tek hapësira në hyrje të presidencës.
Ndryshe, në reagimin e djeshëm, presidenti ka kërkuar nga të gjitha palët që ta respektojnë vendimin e Kushtetueses, dhe të mos ketë vonesa në krijimin e qeverisë së re në Kosovë.