Presidenti i Kosovës, Hashim Thaçi ka thënë se respektimi i të Drejtave dhe Lirive të Njeriut është vendimtare për sundimin e ligjit.
Thaçi gjatë fjalimit të tij në konferencën e “Të drejtat e njeriut dhe integrimi i grupeve të margjinalizuara në Kosovë”, është shprehur se duhet angazhim i të gjithëve që të punohet në integrimin e grupeve të margjinalizuara.
“Rëndësia e të Drejtave dhe Lirive të Njeriut është vendimtare për të siguruar sundimin e ligjit në Kosovë, nuk do të ketë sundim të ligjit nëse nuk respektohen të drejtat dhe liritë e njeriut”, njofton lajmi.net.
“Duhet punuar të gjithë së bashku për integrimin e kategorive të margjinalizuara në kuadër të lirive dhe të drejtave të njeriut. Kosova është ndërtuar si shtet duke respektuar dhe garantuar të drejtat dhe liritë e njeriut”, ka thënë Thaçi.
Ai ka thënë se rekomandimet që do të dalin nga kjo konferencë do të merren parasysh nga institucioni i Presidencës