Trepça ’89 ecën sigurt drejt titullit të kampionit. ‘Minatorët’ të dielën mposhtën rivalin lokal, Trepçën, me rezultat 3-1, në ‘Riza Lushta’, në javën e 27-të të Vala Superliga e Kosovës në futboll.
Broja (54’), Idrizi (58’), Jashari (75’) shënuan për lideren e tabelës, derisa golin e vetëm për ‘xehetarët’ realizoi Ergyn Ahmeti (71’).
Pas kësaj fitore, Trepça ’89 ‘blindon’ kreun me 65 pikë, shtatë më shumë së Feronikeli, derisa Trepça mbetet e parafundit në renditjen tabelore, raporton KosovaPress.
Drenica e ka mposhtur Dritën, me rezultat 2-0, të dielën në ‘Bajram Aliu’, Granit Arifaj (41’) e Kreshnik Uka (90’) shënuan për fitoren e drenicasve të cilët më këtë trepikësh sigurojnë mbijetesën në elitën e futbollit tonë.
Tri pikë të mëdha i ka arkëtuar edhe Ferizaj që mundi në udhëtim Lirinë, me rezultat minimal 0-1. Ristovski (37’) shënoi golin e vetëm dhe të fitores së skuadrës së Ferizajt, e cila bën një hap të madh në garën për t’i ikur barazhit.
Edhe Llapi merr pikët e plota këtë fundjave, duke mposhtur Besën, me rezultat 2-0. Namani (70’) e Sinani (82’) realizuan për llapjanët.
Superliga / Java e 27-të
Rezultatet
Liria – Ferizaj 0-1
Drenica – Drita 2-0
Trepça’89 – Trepça 3-1
Llapi – Besa 2-0
Dje
Prishtina-Gjilani 1-0
Feronikeli-Hajvalia 6-0
Tabela
1.Trepça ’89 65
2.Feronikeli 58
3.Prishtina 57
4.Llapi 53
5.Besa 44
6.Gjilani 38
7.Drenica 34
8.Liria 26
9.Ferizaj 26
10.Drita 22
11.Trepça 16
12.Hajvalia 7