President i Turqisë, Recep Tayyip Erdogan, në një fjalim me video konferencë të mbajtur në hapjen e tunelit Istiklal Ilgaz tha se “Po ju jap një lajm të mirë. OECD ka njoftuar se Turqia nga grupi i vendeve me të ardhura mesatare ku ndodhen 8 shtete, ka kaluar në grupin e vendeve me të ardhura të larta”.
Ai ka vënë në dukje se Turqia është një vend që ka provuar se mund të rritet bashkë me problemet e sigurisë, Erdogan tha më tej se “Ky sukses është pikërisht shkaku i mbështetjes me sulme ekonomike të sulmeve terroriste.”
Pasi ka rikujtuar se me investimet e kryera numri i aeroporteve ka arritur në 55, Erdogan është shprehur:
“Me 29 aeroportet e reja kemi rritur në 55 numrin e aeroporteve në vendin tonë i cili ka 81 qytete. Aeroporti i ri, ndërtimi i të cilit është ende në vazhdim në Stamboll do të jetë më i madhi në botë. Gjithashtu kemi arritur suksese të ngjashme edhe në fushat e tjera të shërbimit nga arsimi, shëndetësia e deri tek energjia. Hap pas hapi jemi duke lëvizur në drejtim të objektivave për vitin 2023”.
