Pas një muaji kërkim gjatë ditës së djeshme Njësia e Kërkim-Shpëtimit të Forcës së Sigurisë së Kosovës ka arritur të gjejë trupin e pajetë të Naim Gashit, nga Komuna e Rahovecit.
Nga Policia e Kosovës rastin në fjalë e kanë raportuar si “Vetëvrasje”, deri u theksua se me vendim të prokurorit është tërhequr trupi i pajetë i viktimës dhe është dërguar në institutin mjekësor-ligjor.
Rasti në fjalë mbetet nën hetime.
Ndryshe Naim Gashi dyshohet të jetë hedhur nga ‘Ura e Fshajtë’ në Gjakovë dhe prej rreth një muaji po vazhdonin kërkimet për të.
“Operacionet e Kërkim Shpëtimin janë realizuar në kushte shumë të vështira të punës që nga data 26 janar deri më 22.02.2021, dhe janë realizuar në bashkëpunim me Policinë e Kosovës ,Komunën e Rahovecit dhe klubin e zhytjes ‘Trepça’, thuhet në njoftimin e FSK-së.
Kryetari i Rahovecit, Latif Gashi ka ngushëlluar familjarët derisa theksoi se Naimi ishte mësimdhënës shumë i zoti..
